Um Dropa

Meira um Dropa og sagan á bakvið fyrirtækið

Olían okkar

Dropi þorskalýsi er eingöngu kaldunnið til þess að varðveita alla náttúrulega eiginleika olíunnar. Olían inniheldur hreina og náttúruleg vítamín A- og D, ásamt omega-3 og aðrar fitusýrur. Engin gerviefni eða viðbætt vítamín er bætt við olíuna. Dropi er eingöngu framleiddur úr ferskri þorsklifur úr Atlantshafsþorski (Gadus morhua). Fiskurinn er keyptur af fiskmarkaði, en hann er veiddur af dagróðrarbátum undan Vestfjarðarmiðum, sem eru ein hreinustu fiskimið í Atlantshafi.

Þessi gæðavara er framleidd samkvæmt alþjóðlega gæðastaðlinum HACCP, en honum er ætlað að tryggja öryggi matvæla.

Framleiðsla Dropa er byggð á fornri aðferð, en er þó framleidd á skemmri tíma en áður fyrr. Lágt hitastig er notað allt framleiðsluferlið og fer hitinn aldrei yfir 42°C. Við þetta lága hitastig viðhaldast náttúrulega vítamín og næringarefni og því flokkast Dropi sem jómfrúarolía og hráfæði.

Þorsklifrin

Árla morguns fara sjómenn í Bolungarvík út á haf á bátum sínum með beitningarbala. Sumir með bala sem beittir eru í landi daginn áður, aðrir með bala sem beittir eru í vélum um borð. Eftir veiði dagsins halda bátarnir í heimahöfn þar sem ferskum aflanum er landað. Fiskurinn er verkaður og seldur á fiskmarkaði, þaðan sem við kaupum lifrina. Við fáum hana svo afhenta ferska á ís. Afurðin er því fersk allt vinnsluferlið.

100% náttúruleg framleiðsla

Allt vinnsluferlið á Dropa olíu er styttra en almennt þekkist í framleiðslu á þorskalýsi í heiminum. Við notum lágt hitastig, undir 42°C til þess að viðhalda eiginleikum lifrarinnar. Þá er framleiðslan háð náttúrulegum eiginleikum eins og veðri, aðstæðum á fiskimiðum og stofni Atlantshafsþorsksins. Þar sem við notum eingöngu ferska lifur getum við ekki ákveðið framleiðslu með löngum fyrirvara, þar sem veður þarf að vera hagstætt svo sjómenn nái að stunda sjóinn.

Hvernig verkefnið byrjaði

Það sem byrjaði sem skólaverkefni í MBA námi við Háskóla Íslands hefur leitt af sér þessa einstöku vöru. Þrjár konur stofnuðu True Westfjords ehf, framleiðslufyrirtæki Dropa, árið 2012. Stofnendur vildu framleiða lýsi eins og gert var í gamla daga. Í samstarfi við MATÍS var hugmyndin þróuð í nokkur ár þar til Dropi kom fyrst á markað á Íslandi í apríl 2015.  
Árið 2020 er hægt að fá Dropa hjá mörgum söluaðilum út um allan heim, en einnig í vefverslun okkar þar sem við sendum út um allan heim.

Fólkið á bakvið Dropa

Teymið okkar


Anna Sigríður Jörundsdóttir

Stofnandi Dropa

Birgitta Baldursdóttir

Stofnandi Dropa

Sigrún Sigurðardóttir

Stofnandi Dropa

Óttar Kristinn Bjarnason

Sölu- og markaðsstjóri

Ragnar Jóhannson

Ráðgjafi og Sérfræðingur
Samþykkja